KAR.GE
ეროვნული 30 დღიანი გამოწვევა – „მე ვყიდულობ ქართულს“ საქართველოში წარმოებული ხარისხიანი პროდუქციის პოპულარიზების მიზნით 2016 წლის 1-30 ივნისის პერიოდში ჩატარდა და მასში ჩვენ, მომხმარებლები ვღებულობდით მონაწილეობას. ჩვენ ვყიდულობდით საქართველოში წარმოებულ პროდუქციას და ამ ქმედების აფიშირებით მაგალითს ვაძლევდით ჩვენს ირგვლივ ადამიანებს, რომ გაეკეთებინათ იგივე. გამოწვევა უკვე რიგით მე-4 იყო.
გამოწვევის ანონსი 2016 წლის 26 მაისს გავრცელდა. თუ დააკვირდებით ანონსის თემაში 131 კომენტარია გაკეთებული, რაც რა თქმა უნდა კარგია თუ გავითვალისწინებთ, რომ ივნისი ძააალიან დაკავებული პერიოდია ადამიანებისათვის. ეს ჩემს თავზეც რამოდენიმეჯერ ვიგრძენი, როცა ძალიან გამიჭირდა დროულად თემის გაკეთება. რამოდენიმეჯერ დამაგვიანდა კიდეც.
ივნისის ეროვნული 30 დღიანი გამოწვევა კიდევ ერთხელ ადასტურებს, რომ მოძრაობა KAR.GE მუდმივად აგრძელებს ქართულის პოპულარიზებას. ქვემოთ გთავაზობთ გამოწვევის ფარგლებში გაშუქებული პროდუქციის და თემების სიას თავისივე ბმულებით:
მზარეულის ტოსტის პური, დღე #1
ბებოს ჩურჩხელა [მინი ვერსია], დღე #2
ჩვენი ფერმერი, ხაჭო ვანილით. დღე #3
ნიკორას საბავშვო რძიანი სოსისი, დღე #4
ბექას ნობათი, კუპატი, დღე #5
ჩვენი ვაშლი + მარწყვი, დღე #6
ყველი Bekao, ქართული ყველის სახლი, დღე #7
კოკლოზინას ბაქლავა, დღე #8
მოცვის ფოთლის ჩაი, შემოქმედი, დღე #9
ორანიტი, მედა ბრაითი, დღე #10
ჩირკოლადი, დღე #11
თათარა, გრეიფი. დღე #12
ალპური ზონის თაფლი „ფეფე“, დღე #13
ოქროს ვერძი, დღე #14
ხორბლის არაყი – „დიდგორის ველი“, დღე #15
ლურჯი მოცვი, დღე #16
მზეთამზე – ქართული ხორბლის პური, დღე #17
გვირილას ყვავილი, დღე #18
ხორციანი პილმენი, ჩვენებური, დღე #19
პური მადაური, დღე #20
ალუბალი, დღე #21
ფიჭვის კევი ბორჯომიდან, დღე #22
ეკონომი, დღე #23
ჩამოსასხმელი ლუდი მაისტერბრაუ, დღე #24
JIM – აჯიკა ნიგვზით ნაკლებ ცხარე, დღე #25
თხის ყველი, ამალთეა, დღე #26
ბოლნისის ქვევრის რქაწითელი, ძმების მარანი დღე #27
ხორკლიანი კიტრი, პლანტა, დღე #28
კესანე – მწვანე ჩაი ლამინარიით [იოდირებული], დღე #29
ფორთოხლის მაფინი, BakeHouse, დღე #30
ეხლა კი შეფასება …
მე პირადად ყოველთვის ობიექტურობის მომხრე ვარ რომელიმე ქართული პროდუქტის შეფასება იქნება ის, თუ ჩვენივე გაკეთებული საქმის. ამიტომ გულწრფელად გაგიზიარებთ თვითკრიტიკას.
კარგი იყო 2 რამ:
- ივნისის გამოწვევა მაინც „გავათრიე“. რატომ? იმიტომ რომ მინდა დავნერგო ტრადიცია, რომლის ფარგლებშიც წელიწადში ორჯერ, ივნისში და დეკემბერში ტარდებოდეს ორი 30 დღიანი გამოწვევა, რომლის ფარგლებშიც იქნება ქართული თემის „ქუხილი“;
- დავტესტე რამოდენიმე „ინსტრუმენტი“, რომელსაც წარმატებით გამოვიყენებ მომავალში;
უკმაყოფილო ვარ 2 ძირითადი მიზეზის გამო:
- საზოგადოების ჩართულობა პრაქტიკულად ნულის ტოლი იყო [ვგულისხმობ ნაყიდი პროდუქტების სურათების დადებას სტატიაში, თორემ Facebook-ში იყო გამოხმაურებები]. არა მხოლოდ გასულ დეკემბერთან შედარებით, არამედ ზოგადად. ეს შეიძლება აიხსნას იმით, რომ ივნისი დაკავებული პერიოდია, ხალხს ბევრი საქმე აქვს, განსაკუთრებით ჩვენს მიზნობრივ აუდიტორიას;
- გამოწვევის პირობები რთული შესასრულებელი იყო ტექნიკური თვალსაზრისით. ადამიანს სტატიის Facebook კომენტარის ველში უნდა აეტვირთა სურათი. ბევრმა ეს ვერ მოახერხა;
რიგით მე-4 ოცდაათდღიანი გამოწვევა შედგა!
ძალა ერთობაშია!