KAR.GE
რაო, რახან ტუალეტის ქაღალდია არ უნდა დავწეროთ მასზე?
იცით მაინც რამოდენა ბაზარია აქვს ჰიგიენის საშუალებებს?
გაგიკვირდებათ რომ გითხრათ …
თუ ქვემოთ კომენტარში დამეკითხებით, დავწერ 🙂
ასფურცელა – მის შესახებაც ადრეც გამეგო, მაგრამ დღეს აღმოვაჩინე დახლზე …
საინტერესოდ ის მეჩვენა, რომ საბითუმოში დახლზე ზემოდან ედვა და დახლის ქვემოდან გამოღება არ დასჭირდა [ხშირია ასეთი შემთხვევაც] …
რა მომეწონა:
- ხარისხი ნორმალურია, არა, ნამდვილად კარგია! არც სქელი და არც თხელი და რაც ყველაზე საინტერესოა ზომებზეა დასერილი ისე, რომ სულ 450 ათ-თორმეტ სანტიმეტრიანი „ნაჭერი“ გამოდის. იყიდეთ და მიხვდებით რასაც ვგულისხმობ;
- წარმოებულია „აწარმოე საქართველოში“ პროგრამის შედეგად შექმნილ საწარმოში;
- ადევს დამღა – „იყიდე ქართული“. ეს პალიტრა მედიას მიერ წარმოებული კამპანიის ლოგოა. ეს კამპანია პალიტრა მედიამ 2015 წლის ოქტომბრის დასაწყისში წამოიწყო და დღემდე აქტიურია;
- ეტიკეტზე მითითებულია კომპანიის მისამართი და ტელეფონი. ისე კი აჯობებდა კომპანიას ვებსაიტი და FB გვერდი ჰქონოდა;
- აწერია, რომ ეკოლოგიურად სუფთა ნედლეულისგანაა წარმოებული. თუ არ ვცდები საქართველოში ჩაბარებული მაკულატურისგან უნდა იყოს წარმოებული;
- მომეწონა ლოგო და ეტიკეტის დიზაინი;
- ფასი – 60 თეთრი, სავსებით მისაღები ფასია მოსახლეობისათვის [საბითუმო ბაზრობაზე ვიყიდე გლდანში];
მოიკითხეთ ტუალეტის ქაღალდი ასფურცელა!
PS
ისე, რა „დააშავა“ ასეთი ასფურცელამ ტუალეტის ქაღალდს რომ დაარქვეს?