მოძრაობა KAR.GE გირჩევთ: იყიდეთ მხოლოდ საქართველოში წარმოებული ხარისხიანი ნაწარმი! ყიდულობ ქართულს? გადახდილი ფულით ხელფასს უხდი საქართველოს მოქალაქეს, ავითარებ ქართულ ბიზნესს და აძლიერებ საქართველოს!
Breaking News
მთავარი > ექსპორტი > 12 მწარმოებლის პროდუქცია კორეის რესპუბლიკაში KOTFA 2018-ზეა წარმოდგენილი

12 მწარმოებლის პროდუქცია კორეის რესპუბლიკაში KOTFA 2018-ზეა წარმოდგენილი

12 ადგილობრივი მწარმოებლის ნაწარმი წარმოდგენილია აზიაში ერთ-ერთ უმსხვილეს ყოველწლიურ საერთაშორისო ტურისტულ გამოფენაზე – KOTFA 2018, რომელიც 14-17 ივნისის პერიოდში სეულში (სამხრეთ კორეა) ტარდება.

14-17 ივნისს ქ. სეული მასპინძლობს აზიაში ერთ-ერთ უმსხვილეს ყოველწლიურ საერთაშორისო ტურისტულ გამოფენას – KOTFA-2018, რომელშიც საქართველოს ტურიზმის ეროვნულ ადმინისტრაციასთან თანამშრომლობით კორეის რესპუბლიკაში საქართველოს საელჩო ტრადიციულად იღებს მონაწილეობას და მხარს უჭერს გამოფენაზე ასევე წარმოდგენილ ქართულ ტურისტულ კომპანიებს. დამთვალიერებელს საშუალება ეძლევა მოინახულოს კულტურული და ეთნოგრაფიული კუთხე.

ამასთან, ქვეყნის ტურისტული პოტენციალის წარმოჩენის გარდა, მოძრაობა KAR.GE-თან თანამშრომლობით გამოფენაზე წარმოდგენილია ქართველი მწარმოებლების მრავალფეროვანი პროდუქცია, მათ შორის: „შატო ნეკრესი“-ის ქართული ღვინოები, „ანასეულის კომბინატი“-ის გურული ხილის ოტკა, „მადლიანი 2017“-ისა და „ბებოს ნობათი“-ს ჩურჩხელები, „გრეიფი“-ს თათარა, „ჯააძის თაფლი“-ს ალპური ზონის თაფლი, „კამპა“-ს და „ხილარი“-ს წვენები, „ფარკონი“-ს ჩაი და სანელებლები, ბარამბოს შოკოლადის ასორტი, “MG – მარიამ გიორგაძეს” ტყავის ხელნაკეთი საფულეები, „Deka“-ს ქართული ყაბალახი და ტრადიციული ორნამენტებით გაწყობილი მოსასხამები. სტენდზე აგრეთვე განთავსდა ქვეყანაში უკვე იმპორტირებული სხვადასხვა ქართული პროდუქცია. გამოფენაზე სტუმრებს საშუალება ეძლევათ დააგემოვნონ ქართული ღვინო, ჭაჭა და მინერალური წყლები.

როგორ მოხდა ეს?

ძალების გაერთიანებით: მწარმოებლებმა ნიმუშები მოგვაწოდეს, მოძრაობა KAR.GE-მ ორგანიზება გააკეთა და ნაწარმი შეკრიბა, რომელიც კორეის რესპუბლიკაში საქართველოს საელჩომ თავისი ხარჯით ჩაიტანა კორეაში KOTFA 2018 და KOIMA 2018-ზე გამოსაყენებლად.

უღრმესი მადლობა ბნ. ოთარ ბერძენიშვილს – კორეის რესპუბლიკაში საქართველოს ელჩს, საელჩოს მთელ გუნდს და თითოეულ მწარმოებელს საერთო საქმეში მონაწილეობისათვის. მოხარული ვიქნებით, თუ საქართველოს ყველა საელჩოსთან მსოფლიოში გვექნება ასეთი ტიპის ურთიერთობები.

12 მწარმოებლის პროდუქციის ფოტოები

 

საერთო ფოტოები

 

იხილეთ ვიდეო, რომელიც საქართველოს საელჩომ გამოგვიგზავნა [გადაღებულია 14 ივნისს].

 

ავტორი: ტარიელ ზივზივაძე

ტარიელ ზივზივაძე
კონსულტანტი & ტრენერი & სპიკერი: "მე მეამაყება, რომ ჩემი მოკრძალებული წვლილი შემაქვს კარგ ქართულ საქმეში. მჯერა, რომ ეს დიდი ცვლილებების დასაწყისია!"