სასტუმროს აკეთებ? ეს პროგრამა დაიხმარე …

თუ მინიმუმ 10 ნომრიან სასტუმროს აკეთებ (სასტუმრო, კოტეჯები, რესტორნით, აუზით, საუნით, ტურისტული სერვისებით და ა.შ.), მაშინ შენთვის ამჟამად არსებობს “ბიზნეს უნივერსალი” ახლახან გაახლებული პირობებით.

აქვე ხაზგასმით:

გრანტის იმედი თუ გაქვთ, დაივიწყეთ, გრანტები მოკვდა ამ ქვეყანაში!

შეღავათიანი სესხი – ერთადერთია, რის იმედზე შეგიძლიათ იყოთ!

“ბიზნეს უნივერსალი” სააგენტო – “აწარმოე საქართველოში” პროგრამაა, რომლის პირობებიც 2025 წლის 1 სექტემბრიდან გაახლდა (თან უფრო სასარგებლო გახდა ქალების ბიზნესებისთვის და მიზნობრივი გრანტის კომპონენტის ნაწილში).

არის თუ არა სასტუმროს თემა პრიორიტეტი?

არის! ეს ამონარიდია აწარმოეს პრიორიტეტული მიმართულებებიდან:

მთავარი სიახლეები:

• გაიზარდა პროცენტის სუბსიდირება წლიურ 5%-მდე (NBG-3% მდე), უკვე სესხის სრული ვადით.
• სესხის ფარგლებში სააგენტო ახორციელებს სესხის ძირის არაუმეტეს 80%-ის გარანტირებას, უკვე მაქსიმუმ 10 წლის ვადით.
• გრანტის კომპონენტი აღებული სესხის 10%-დან 50%-მდეა ოღონდ თემატურად, კონკრეტული კომპონენტებისთვის სხვადასხვანაირად, და ობიექტის ამოქმედების შემდეგ გაიცემა. აქ 5 პრიორიტეტული საგრანტო მიმართულებაა: 1) მწვანე კომპონენტი, 2) მაღალმთიანი რეგიონის კომპონენტი, 3) გაციფრულების კომპონენტი, 4) კვლევა და განვითარების კომპონენტი, 5) აგროტურისტული ინდუსტრიის კომპონენტი. თითოეულ კომპონენტში აღებული სესხის 15-50% და 70,000-500,000 ლარამდე შეიძლება იყოს გრანტი (პროცენტები და რიცხვები ხუთივესთვის სხვადასხვაა). სასტუმროს შემთხვევაში გრანტის მიღების შესაძლებლობა გარანტირებულად არის თუ სასტუმრო იქნება მაღალმთიან რეგიონში. და თუ ქალი მეწარმე აკეთებს, მაშინ სესხის 15%-მდეც ადის (მაქსიმუმ 200,000 ლარი).

სპეციფიკური მოთხოვნები სასტუმროს მიმართ (ადამიანურ ენაზე):

• მინიმუმ 10 ნომერი უნდა გქონდე თითოეული თავისი სველი წერტილით, ცენტრალური გაგრილება/კონდიცირებით.
• მოწყობილი მისაღებია საჭირო.
• 2 სართულზე მეტი თუ იქნება, ლიფტის გაკეთება მოგიწევს.
• მიწა გირჩევნია შენი იყოს.
• ბაკურიანი, გუდაური, თბილისი და ბათუმი – აქ გრანტის კომპონენტი დაივიწყეთ.
• 1 ზარი მაინც საჭიროა 1525-ზე (აწარმოეს ცხელი ხაზი), რომ დააზუსტოთ რომელი ბენეფიტები გავრცელდება თქვენზე და რა სტანდარტები იქნება დასაკმაყოფილებელი.

სისტემა ასე მუშაობს:

ბიზნეს გეგმით ხელში მიდიხარ ბანკში.

თუ ბანკი იტყვის “კი”-ს, შემდეგ ერთვები ბიზნეს უნივერსალში და ღებულობ ყველა სათანადო სარგებელს.

შემდეგი ნაბიჯები?

1) გაეცანი ბიზნეს უნივერსალის გამოქვეყნებულ პირობებს.

2) დამირეკე, მოგისმენ და მოკლე გზას გიჩვენებ. ჯობია WhatsApp-ით: 577 73 79 64 …

მე როგორ გეხმარები მიზნების მიღწევაში? ჩემი საქმე ბიზნეს გეგმის დაწერაა!

ბიზნეს გეგმის ფასი სასტუმრო + რესტორნის შემთხვევისთვის არის 3,000 ₾ + დღგ (3,540 ლარი).

თუ თემა უფრო მეტ კომპონენტს მოიცავს (აუზი, ტურიზმი, და ა.შ.), მაშინ ფასია 4,000 ₾ + დღგ (4,720 ლარი).

ხოლო თუ თემა ძალიან ბევრ კომპონენტს მოიცავს, მაშინ ფასიც შესაბამისად გაიზრდება.