ჩვენ ვყიდულობთ საქართველოში წარმოებულ ხარისხიან პროდუქციას. რატომ? 1) გადახდილი ფულით ხელფასს ვუხდით საქართველოს მოქალაქეს, 2) ვავითარებთ ადგილობრივ წარმოებას და 3) ვაძლიერებთ საქართველოს!
რა ღირს ბიზნეს გეგმის დაწერა

რა ღირს ბიზნეს გეგმის დაწერა?

თუ ბიზნეს გეგმა გჭირდება და დაწერა თვითონ ჯერ არ შეგიძლია, მაშინ მოგიწევს ამ საქმეში გადახდა. მაგრამ როგორ გაიგო რა ღირს ბიზნეს გეგმის დაწერა?

შეიძლება ახლობელი მოძებნო და „ჯიგრულ პონტში“ დაგიწეროს. აქ დიდი შანსია, რომ უხარისხო პროექტი მიიღო. ბევრი შემხვედრია ასეთი …

თუ ბიზნეს გეგმის დაწერას არაკვალიფიციურ პირს შეუკვეთ, ამ შემთხვევაშიც უხარისხო პროექტს მიიღებთ. ასეთიც ბევრი შემხვედრია …

უხარისხო ბიზნეს გეგმა ნიშნავს იმას, რომ შენი გენიალური იდეა ჩანასახშივე ჩაკვდება!

ერთადერთი ჭკვიანური გზა ამ დროს არის ბიზნეს გეგმის დაწერა შეუკვეთო კვალიფიციურ სპეციალისტს, რომელმაც იცის თავისი საქმე.

თან შეუკვეთო ისე, რომ პროცესში თვითონაც ისწავლო რაც შეიძლება მეტი.

ხშირად ეს იაფი არაა, მაგრამ თუ გინდა შედეგი, მოგიწევს გადახდა!

მოკლედ, შენი დამოკიდებულება ამ საკითხის მიმართ დიდწილად განაპირობებს თუ რას მიიღებ ბოლოში … ფურცლების უბრალო გროვას, თუ რეალურად ხარისხიან დოკუმენტს, რომელიც დაგანახებს ფულს როგორც შენ, ასევე ინვესტორს და გაკაფავს გზას წარმატებისკენ.

რომ დავფიქრდი ამ თემის წარმოდგენა ისევ და ისევ პრაქტიკულ მაგალითზე ჯობია, საკუთარ მაგალითზე.

თან გაგიზიარებთ შეფასების ჩემეულ მეთოდიკას, პარალელურად კი აგიხსნით რა ღირს ბიზნეს გეგმის დაწერა.

საჭირო დასკვნები თავად გააკეთეთ.

დავიწყოთ

დავუშვათ გაისმა ზარი ჩემს ტელეფონზე.

ან მომივიდა PM Facebook-ზე, ან მომივიდა ელ. ფოსტა.

მიკავშირდება ადამიანი, რომელსაც აინტერესებს ბიზნეს გეგმის დაწერა.

პირველი, რასაც ვცდილობ არის გავარკვიო რა არის თემა: ფერმა უნდა, სამშენებლო პროექტია, საწარმოა თუ რა არის ის, რისი ბიზნეს გეგმაც უნდა.

ვცდილობ დეტალებში გავერკვე, ღრმა დეტალებში, იმდენად, რამდენადაც ეს შესაძლებელია ტელეფონში, 10 წუთიან საუბარში.

ანუ, ყველა შემთხვევაში პირველი საუბარი ხდება ტელეფონში.

მეორე საკითხია რომელი პროექტისთვის (ბანკისთვის და ა.შ.) სჭირდება ბიზნეს გეგმა.

თითოეულს თავისი მოთხოვნა აქვს და თუ განაცხადის ფორმა არ ვნახე, მის გარეშე საქმეზე დასახარჯი შრომის მოცულობას ზუსტად ვერ შევაფასებ.

რატომ ტელეფონში?

იმიტომ, რომ პირველი კონტაქტისთვის ტელეფონი სრულიად საკმარისია.

არცერთ შემთხვევაში არ შევხვდები მხოლოდ პირველი საუბრისთვის.

ჩემთვის პირველი კონტაქტი აუცილებლად არის სატელეფონი საუბარი.

მეტიც, ამ “new normal”-ის პირობებში შეხვედრა საერთოდ გამოვრიცხე და დისტანციურად ვაკეთებ საქმეს უკვე წელიწადზე მეტია.

რატომ მაინტერესებს ეს ყველაფერი?

იმიტომ, რომ მე მინდა გავიაზრო სიტუაცია. მინდა გავიგო იმდენი, რამდენიც საკმარისია რომ შევაფასო დასახარჯი შრომა.

და მას შემდეგ რაც ეს მოხდება მე უკვე შემიძლია დროის და ფასის თქმა
დრო იწყება 3 დღიდან … თუ რა თქმა უნდა დამკვეთმა რამე არ დამიგვიანა.

თუ მცირე პროექტია (აი როგორიც აწარმოე საქართველოს მიკროგრანტებია, ან გრეტას პროექტები) ფასი 400 ლარია პროექტზე. სულ 3 დღეა საჭირო.

თუ USAID-ის პროექტებია (და ბევრია ასეთი), ესენი ცოტა ჩახლართული შაბლონური ფორმებითაა გასაკეთებელი და ხანდახან ინგლისურ ენაზე. აქ ფასი 1,200 ლარიდან იწყება.

აწარმოეს თანადაფინანსების პროექტებზე ფასი იწყება 2,000 ლარიდან. ესენი ძირითადად წარმოებებზეა. ცხადია დრო მეტი სჭირდება, შესაძლოა 1 კვირა, 10 დღე (ესეც იმიტომ, რომ დამკვეთს დანართების შესკრებად დრო სჭირდება).

თუ GITA-ს თანადაფინანსების პროექტია (ან 100 ათასიანი ან 650 ათასიანი) იქ გადახდა რამდენიმე ეტაპიანი. ფასი კი შეიძლება 10,000-მდეც კი ავიდეს.

დეტალები იხილეთ აქ.

რატომ ეს ფასი?

ესენი საშუალო ფასებია.

მას შემდეგ რაც დამკვეთს ამას ვეტყვი [დროს და ფასს] ტელეფონში, ის დაფიქრდება.

თუ მას საქმე უღირს ამად, ვიმუშავებთ ერთად.

თუ არ უღირს, მეც გადავრჩები, იმიტომ რომ ამაზე ნაკლებად არც მე მიღირს.

იმიტომ რომ ბიზნეს გეგმის დაწერა დიდი შრომაა, დიდი ინტელექტუალური შრომა, რომელსაც ადამიანი, რომელსაც ამ თემაზე არ უმუშავია ვერ ხვდება, ვერ აფასებს.

თუ დათანხმდა მერე რა ხდება?

დავიწყებთ მუშაობას და დაავდებთ შედეგს.

რატომ შეიძლება ვთქვა უარი?

თუ პირველ საუბარში რაღაც არ მომეწონა, ვეტყვი პირდაპირ თუ როგორი აქვს შანსი. და მერე თავად გადაწყვიტოს.

თუმცა, ხანდახან არის სიტუაცია, რომ მე არ მომწონს თავად ის, ვინც მირეკავს. თუ თავიდან მინდა მოვიშორო ვეტყვი ისეთ ფასს, რომ თვითონ დამანებებს თავს.

მითქვამს იმიტომ რომ ან 1) იმ პროექტისგან არაფერი გამოვიდოდა, ან 2) დამკვეთს რეალურად ბიზნეს გეგმა არ სჭირდებოდა, და ან 3) დამკვეთი იყო არასაიმედო.

ანუ, როგორ ვადგენ ფასს?

1. ვიაზრებ ამოცანას
2. ვაფასებ სამუშაოს მოცულობას
3. ვიაზრებ ვისთან მაქვს საქმე

და ამ დროს არავითარი მნიშვნელობა არ აქვს რა ბიუჯეტიანია პროექტი, 100 ათასიანი, 100 მილიონიანი თუ მილიარდიანი.

მთავარი ნულები არაა, მთავარი თემის სიღრმე და სირთულეა.

რომ შევაჯამოთ:

რა ღირს ბიზნეს გეგმის დაწერაბიზნეს გეგმის დაწერა ეს არის ფრიად ინტელექტუალური მომსახურება და ეს მომსახურება ფული ღირს. მომსახურების შესრულება ითხოვს სათანადო ცოდნა და უნარებს, რომლებიც წლების განმავლობაში „ილესება“;

რა ღირს ბიზნეს გეგმის დაწერაბიზნეს გეგმის დაწერის/შედგენის ფასი ვარირებს. ფასი იცვლება ერთის მხრივ შემსრულებლის კვალიფიკაციის, დროის და თემის მიხედვით, მეორეს მხრივ კი დამკვეთის მიხედვით. მცირე პროექტებისთვის (საგრანტო) ფასი 400 ლარიდან იწყება (ჩემს შემთხვევაში);

რა ღირს ბიზნეს გეგმის დაწერათუ თქვენ ხარისხიანად მომზადებული დოკუმენტი გსურთ, ხოლო თვითონ არ იცით როგორ დაწეროთ ბიზნეს გეგმა, დამირეკეთ 577 73 79 64. გარდა იმისა, რომ მაღალი დონის ბიზნეს გეგმას მიიღებთ, თან ისწავლით კიდეც პროცესში;