წარმოების ბიზნეს გეგმის დაწერა

წარმოების ბიზნეს გეგმის დაწერა ჩემი პრაქტიკის დიდ ნაწილს შეადგენს.

სწორედ ესაა თემა, რაც ყველაზე მეტად მაინტერესებს ხოლმე.

შემიძლია უსასრულოდ ვისაუბრო კრიტიკულად მნიშვნელოვან საკითხებზე (და თან მრავალ ინდუსტრიაში) დაწყებული წარმოების საშუალებების სპეციალურად აწყობის საკითხიდან დამთავრებული კონკურენტული ანალიზით. მაგრამ ამ კონკრეტული სტატიისთვის ერთ “კოპწია” თემას ავარჩევ შეგნებულად იმიტომ, რომ ამ თემას საერთოდ არ ითვალისწინებენ ხოლმე როცა მაგალითად პირველადი მოხმარების პროდუქციის ახალ წარმოებას აკეთებენ.

მწარმოებელთა დიდი ნაწილი ხშირად ვერც კი ხვდება, რომ როგორც მწარმოებელი იგი ორი დონის კონკურენციაში ერთვება.

1. ერთია კონკურენცია პროდუქტის დონეზე [product level competition]

ამ დროს მაგალითად ქართული წვენი უცხოური წვენის ან მეორე ქართული წვენის წინააღმდეგ გამოდის ბაზარზე.

სარეკლამო კამპანიის მიზანი არის დაარწმუნოს მომხმარებელი, რომ მისი ჯობია.

მაგალითად კამპა ბროწეული ცდილობს დაარწმუნოს მომხმარებელი, რომ მისი ბროწეულის წვენი სანტალის ბროწეულზე უკეთესია ამიტომ, ამიტომ და ამიტომ.

შედეგად თუ მომხმარებელი დარწმუნდება, მას დროთა განმავლობაში ბრენდის ლოიალობა განუვითარდება და გახდება პოტენციური მყიდველი იქ, სადაც პროდუქტი დახვდება.

ეს ნიშნავს, რომ სხვა თანაბარ პირობებში აქცენტს გააკეთებს ქართულ ნაწარმზე, კონკრეტულად კი კამპას ნაწარმზე.

ეს ცხადია არ ნიშნავს, რომ აუცილებლად იყიდის. ეს ნიშნავს, რომ ყიდვის შესაძლებლობას “განიხილავს” თუ შესყიდვის წერტილში პროდუქტი დახვდება.

2. მეორეა კონკურენცია ქსელის დონეზე [retail level competition]

ეს ხდება მაშინ როცა ქართული ნაწარმი დევს ქსელურ მაღაზიებში, ქსელში, რომელიც მეორე ქსელის წინააღმდეგ კონკურირებს.

მაგალითაც, როცა გუდვილი ეჭიდავება კარფურს, ან ორი ნაბიჯი ეჭიდავება ნიკორას, ან ნიკორა ეჭიდავება კარფურს.

ამ დონეზე “იტისკება” მწარმოებელი იმის გამოც, რომ დახლზე დადება ფული ღირს, აქციები მწარმოებლის ბეჭებზე გადადის, ფულის მიღებისას დროში დაგვიანებაა, მწარმოებელი ქსელიდან შეიძლება გამოუშვან ნებისმიერ დროს თუ ქსელს „თამაშში“ არ აჰყვება.

და კიდევ უარესი:

იმის გამო რომ ერთ ქსელში არის შესული კონკრეტული ფასით მისი ნაწარმი, სხვა ქსელთან საუბარი უკვე არის ურთულესი.

საფრთხე

მწარმოებლის მხრიდან ამ საკითხის არასწორად გააზრების საფრთხე ისაა, რომ დაიწერება ბიზნეს გეგმა, იწვალებ, შექმნი წარმოებას, აწარმოებ პროდუქციას, მერე კი გაიხედავ, გამოიხედავ და მიხვდები, რომ თურმე ბაზარზე მუშაობა და ქსელებში პროდუქციის შეტანა ცალკე “მაფია” ყოფილა!

სწორედ ესაა როგორც წესი საუბრის პირველი თემა, როდა დამწყები მწარმოებელი მირეკავს და წარმოების ბიზნეს გეგმის დაწერა სურს.

ხშირად აღმოჩნდება, რომ მის საქმეს უფრო მეტი ინვესტიცია სჭირდება.

რატომ? იმიტომ რომ, მარკეტინგი, გაყიდვები და დისტრიბუცია, ასევე ქსელის გადასახდელები არც უფიქრია.

საუკეთესო “წამალი” აქ არის თავიდანვე შეხვდე ქსელებს და განსაზღვრო დისტრიბუციის სტრატეგია და შექმნა პროდუქტი შესაბამისად.

(ეს ძალიან მნიშვნელოვანია! ხშირად “ზემოდან” ჯობია დაწყება)!

წარმოების ბიზნეს გეგმის დაწერა აუცილებელია!

ეს საქმე თუ გაქვთ გადაწყვეტილი, უნდა გაითვალისწინო, რომ ერთის მხრივ product level competition გაქვს მოსაგები, მეორეს მხრივ კი retail level competition-ში უნდა მოიპოვო მყარი ადგილი.

სხვა ყველაფერ დანარჩენთან ერთად, რომელთა თაობაზეც შეიძლება წარმოდგენა არ გექნეთ.

ამიტომაც არის საჭირო თავიდანვე ურთიერთობა დაიჭიროთ ამ საქმის მცოდნესთან და მას დააწერინოთ ბიზნეს გეგმა. ცხადია ბიზნეს გეგმის დაწერა ფასი ღირს, მაგრამ თუ 1,000,000 ინვესტიციას აპირებთ და 2-3,000 ლარი თუ დაგეგმვაში არ ჩადე, პირველივე კენჭზე “ფრენას ისწავლი”!

თუ კონკრეტული შეკითხვები გაქვთ (და ვიცი რომ გაქვთ), შეგიძლიათ დამირეკოთ 577 73 79 64 (ზარი უფასოა ცხადია) ან მომწეროთ Facebook გვერდზე. დაკვალიანებას არ დაგზარდებით!