ჩვენ ვყიდულობთ საქართველოში წარმოებულ ხარისხიან პროდუქციას. რატომ? 1) გადახდილი ფულით ხელფასს ვუხდით საქართველოს მოქალაქეს, 2) ვავითარებთ ადგილობრივ წარმოებას და 3) ვაძლიერებთ საქართველოს!
მთავარი > სიახლე > “ჩაის და თაფლის საერთაშორისო ფესტივალი” ფოტოებში
ჩაის და თაფლის ფესტივალი

“ჩაის და თაფლის საერთაშორისო ფესტივალი” ფოტოებში

ცოტა ხნის წინ დავბრუნდი “ჩაის და თაფლის საერთაშორისო ფესტივალი”-დან, რომელიც მთაწმინდის პარკში ჩატარდა. ორგანიზატორები მთაწმინდის პარკი და საქართველოს ჩაის მწარმოებელთა ასოციაცია იყვნენ. მხარდამჭერი კი სოფლის მეურნეობის სამინისტრო. 25-მდე კომპანია ღებულობდა მონაწილეობას.

ბევრი მეგობარი ვნახე, საინტერესო ადამიანები გავიცანი, საჭირო ხალხს ჩვენი გაკეთებული საექსპორტო კატალოგი გადავეცი, ჩვენს პარტნიორ კომპანიებთან “მე ვყიდულობ ქართულს” სტიკერი დავტოვე, ფოტოები გადავიღე. მეტი რა ვქნა? ჰო, დეკას ჩაი გავსინჯე პირველად. ჯერ ვერ დავუმუღამე, მაგრამ საინტერესო გემო აქვს ნამდვილად.

იქ წარმოდგენილი იყო ქართული, ჩინური, იაპონური, ინდური და ა.შ. ჩაი, მაგრამ მთავარი, სასწაულის ტოლფასი ამბავი ის იყო, რომ ქართული სტენდების რაოდენობა უცხოურებისას აჭარბებდა.