ჩვენ ვყიდულობთ საქართველოში წარმოებულ ხარისხიან პროდუქციას. რატომ? 1) გადახდილი ფულით ხელფასს ვუხდით საქართველოს მოქალაქეს, 2) ვავითარებთ ადგილობრივ წარმოებას და 3) ვაძლიერებთ საქართველოს!
მთავარი > სიახლე > მეამაყება, რომ გუშინ ქართველი მილიონერი გავიცანი. გაინტერესებთ ვინ?
მეამაყება, რომ გუშინ ქართველი მილიონერი გავიცანი. გაინტერესებთ ვინ?

მეამაყება, რომ გუშინ ქართველი მილიონერი გავიცანი. გაინტერესებთ ვინ?

ერთი კვირის წინ გავიგე რომ თბილისი მოლში ტარდება საინტერესო გამოფენა-გაყიდვა, რომელიც გუშინ მოვინახულე. მოვინახულე და აღტაცებული დავრჩი იმ შრომის შედეგით, რაც იქ იყო გამოფენილი. ნანახის სიტყვებით აღწერა ალბათ გამიჭირდება, ამიტომ ფოტოკოლაჟი გავაკეთე და აქვე გთავაზობთ.

ყველა ეს ნამუშევარი შეიქმნა FABLAB-ში, ილიაუნის სამრეწველო ინოვაციების ლაბორატორიაში, პროგრამის – „დაიწყე ბიზნესი FABLAB-თან ერთად“ – ფარგლებში. იგი 2 ნოემბერს დაიწყო 6 დეკემბრის გამოფენა-გაყიდვით დაგვირგვინდა. აქ კი რეალური გაყიდვები შედგა.

ახალგაზრდებმა, რომელთა შორის სტუდენტებიც იყვნენ და სკოლის მოსწავლეებიც სულ რამოდენიმე დღეში მართლაც რომ შესანიშნავი პროდუქტები შექმნეს. აქ იყო ხის სანათები, ხის ბრელოკები, ხეში ჩარგული ფლეშკები, ხისა და ტყავის ჩანთები, ხის ნაძვის ხის სათამაშოები, ხის ბლოკნოტები, პასტით ნახატები, ხის სასალფეთქეები, ხის დეკორატიული ყუთები, ხის სათვალეები, ხეზე ნახატი სურათები, ხის ტირექსის მაკეტიც კი. უნდა გამოეყენებინათ ხე, ტყავი და ის დანადგარები, რაც FABLAB-ში აქვთ.

ახალგაზრდებს ბრენდის შექმნაზეც ჰქონდათ ნაფიქრი. დააკვირდით სურათებს და დაინახავთ ბრენდებს: BEGELS, Modern Design, LibArt, Light Up, pARTners, TADD. მეტიც, სპონსორებიც ჰყავდათ ნაპოვნი, რომელთაც ამ პროდუქტების შექმნისათვის მასალების შეძენა დაუფინანსეს.

თამამად უნდა აღინიშნოს, რომ გუშინ მე მომავალი ქართველი მილიონრები თუ არა მილიონერი მაინც გავიცანი … ცხადია ის ამ ბავშვებს შორისაა. წარმატებები ჩემო კარგები!

DSCN9372 DSCN9373 DSCN9375 DSCN9376 DSCN9378 DSCN9380 DSCN9382 DSCN9383 DSCN9384 DSCN9386 DSCN9389 DSCN9390 DSCN9391 DSCN9392 DSCN9395 DSCN9396 DSCN9397 DSCN9399 DSCN9400 DSCN9401 DSCN9402 DSCN9407 DSCN9409 DSCN9412 DSCN9413 DSCN9416