ჩვენ ვყიდულობთ საქართველოში წარმოებულ ხარისხიან პროდუქციას. რატომ? 1) გადახდილი ფულით ხელფასს ვუხდით საქართველოს მოქალაქეს, 2) ვავითარებთ ადგილობრივ წარმოებას და 3) ვაძლიერებთ საქართველოს!
მთავარი > პროდუქცია > გვირილას ყვავილი, დღე #18
გვირილას ყვავილი

გვირილას ყვავილი, დღე #18

ეროვნული 30 დღიანი გამოწვევა – „მე ვყიდულობ ქართულს“ საქართველოში წარმოებული ხარისხიანი პროდუქციის პოპულარიზების მიზნით 1-30 ივნისის პერიოდში ტარდება და მასში ჩვენ, მომხმარებლები ვღებულობთ მონაწილეობას. ჩვენ ვყიდულობთ საქართველოში წარმოებულ პროდუქციას და ჩვენი ამ ქმედების აფიშირებით მაგალითს ვაძლევთ ჩვენს ირგვლივ ადამიანებს, რომ გააკეთონ იგივე.

 

გვირილას ყვავილი

რა იცით ამ სამკურნალო ჩაის შესახებ?

20 ცალი 2.5 გრამიანი პაკეტი 1.5 ლარი ღირს ჩვეულებრივ სუპერმარკეტში. დამზადებულია შპს „იმედი“-ს მიერ. ვარგისიანობა თაროზე – 2 წელი. კომპანიის მისამართია რუსთავის გზატკეცილი #36. ტელეფონი 214 56 57. კომპანიის ვებსაიტს და FB გვერდს ვერ მივაგენი.

გვირილას ყვავილი რამოდენიმეჯერ გამოგვიყენებია ოჯახში და ნამდვილად ეფექტური სავლები გამოდგა ბავშვისთვის.

გამოიყენება: გასტრიტის და კოლიტის დროს, მეტეორიზმის სამკურნალოდ, პირის ღრუს ლორწოვანი გარსის ანთებისას ანგინების სამკურნალოდ და გინეკოლოგიაში.

დამზადების წესი: ერთჯერად პაკეტი ჩადეთ ქილაში. დაასხით ერთი ჭიქა მდუღარე წყალი და გააჩერეთ 10 წუთი. მიიღეთ 100 გრამი სამჯერ დღეში დასალევად და გამოსავლებად 1 ჩაის ჭიქა 3-ჯერ დღეში.

თქვენ რა იყიდეთ დღეს ქართული?