ჩვენ ვყიდულობთ საქართველოში წარმოებულ ხარისხიან პროდუქციას. რატომ? 1) გადახდილი ფულით ხელფასს ვუხდით საქართველოს მოქალაქეს, 2) ვავითარებთ ადგილობრივ წარმოებას და 3) ვაძლიერებთ საქართველოს!
მთავარი > რეკლამა KAR.GE-ზე

რეკლამა KAR.GE-ზე

KAR.GE-ზე რეკლამის წინაპირობები

  1. KAR.GE ხარისხიანი ქართული ნაწარმის ცნობადობის, გაყიდვების და ექსპორტის ზრდას ემსახურება 2014 წლიდან. ჩვენს ვებსაიტზე მხოლოდ ის წარმოება / პროდუქცია / ღონისძიება / თემა შეიძლება წარმოჩინდეს, რომელიც მისიას შეესაბამება. და რაც წარმოჩინდება, მასზე პასუხს პირველ რიგში ჩვენ ვაგებთ ჩვენივე რეპუტაციით;
  2. რეკლამა KAR.GE ვებსაიტზე, Facebook გვერდზე და ჩვენს 1,4 მილიონიან ინტერნეტ ქსელში ნიშნავს გასვლას ხარისხიანი ადგილობრივი პროდუქციის მყიდველთა მრავალასეულათასიან მიზნობრივ ჯგუფზე, რომელსაც აინტერესებს ქართული ნაწარმი. ეს უაღრესად სპეციფიკური აუდიტორიაა. მათზე “ბრტყელი” რეკლამა არ მუშაობს და მათთან 100% გულწრფელობაა საჭირო. ჩვენ გამოცდილებიდან ვიცით მაქსიმალური ეფექტის (ცნობადობა + გაყიდვები + კონტაქტები) მისაღებად თემის წარდგენა როგორ ჯობია;
  3. ჩვენს სისტემაში რეკლამა არაა მხოლოდ რეკლამა რაშიც იხდით ფულს. ეს პასუხისმგებლობაა ჩვენთვის. ეს ნიშნავს, რომ 1) ჩვენ “თავდებად” ვუდგებით პროდუქტს, რომ ის მართლა ხარისხიანია, ან ღონისძიებას / თემას რომ ის ღირებულია, 2) ჩვენ აბსოლუტურად ყველა კომენტარს (მათ შორის კრიტიკულს) საჭიროა გამოვეხმაუროთ ისე, რომ ბოლომდე ამომწურავი პასუხი ვიცოდეთ ჯერ ჩვენ და მერე გავცეთ ადამიანებს ყველა შეკითხვაზე (ანუ, ჩვენ უნდა შევისწავლოთ თქვენი თემა), და 3) თქვენ არ უნდა გეშინოდეთ თქვენი სრულფასოვანი წარმოჩენის, ვინაიდან რასაც არ უნდა მალავდეთ, საზოგადოებას ვერ გამოაპარებთ (ასეთი საზოგადოება ჩვენი) და ეს ცუდად დაგხვდებათ წინ. ჩვენთან ყოფილა თემები ათასობით კომენტარით.
  4. ყოველი სარეკლამო სვლის შედეგი დათვლადია და “ილექება” შემდეგ “მრიცხველებზე”: 1) Facebook Reach & Engagement, 2) FB-ზე ვიდეოს ნახვათა რაოდენობა, 3) FB პოსტზე გაზიარებების, კომენტარების, ლაიქების რაოდენობა, 4) ვიზიტები KAR.GE-ზე არსებულ ინტერნეტ გვერდზე. რეიტინგი დამოკიდებულია ბევრ პარამეტრზე.
  5. მთავარია შემდეგი: ჩვენთან რეკლამის ეფექტის მარტო “დათვლადი” შედეგით არ იზომება. ფასსაც სათანადოს იხდით. ყველა გადახდა ხდება წინასწარ. მზადდება კონტრაქტი, ინვოისი, კეთდება მიღება-ჩაბარების აქტი. ფასები მოიცავენ ყველა გადასახადს. მითითებულ ფასებზე ფასდაკლება არ ხდება, თუმცა იმაზე მეტს გავაკეთებთ, ვიდრე დაგპირდებით;

რეკლამის ინსტრუმენტები

  1. FB Live – პირდაპირი ჩართვა წარმოებიდან.
    ბნ. ტარიელ ზივზივაძე პირადად ეწვევა წარმოებას, გაეცნობა საწარმოო პროცესს, საბოლოო პროდუქციას და FB Live-ის საშუალებით საკუთარი ტელეფონიდან ინფორმაციას მიიტანს ფართო საზოგადოებასთან: 1) Live-ის ვიდეო დაიდება KAR.GE-ს FB-ზე და გადაზიარდება ჩვენს FB რესურსებზე, 2) სტატია (მასში ვიდეო) დაიდება KAR.GE-ზე და გადაზიარდება ჩვენს FB რესურსებზე. ამ ტიპის ვიდეოს განსაკუთრებულობა მის ბუნებრიობაშია. ეს არის უწყვეტი ვიდეო, რომელიც გაცილებით უფრო ფასობს ადამიანებში, ვიდრე ნებისმიერი დამონტაჟებული და “კოსმეტიკურად” შელამაზებული ვიდეო. ფასი 600+ ლარი (ტრანსპორტირების და ა.შ. სხვა ხარჯების მიხედვით). შექმნილ მასალებს ნახავს 50-70,000 ადამიანი.
  2. ვიდეო წარმოებიდან.
    გაკეთდება დახლოებით იგივე (ასევე ტელეფონით), რაც FB Live-ის შემთხვევაში იმ განსხვავებით, რომ 1) პირდაპირი ჩართვა არ იქნება, 2) ვიდეო იქნება HD ხარისხის და 3) შესაძლებელია ჭრები. ეს ალტერნატიული გზა გამოიყენება იმ შემთხვევაში, როცა წარმოებაში ინტერნეტი არ იძლევა FB Live-ის გაკეთების საშუალებას. შედეგად: 1) ვიდეო დაიდება FB-ზე და გადაზიარდება ჩვენს FB რესურსებზე, 2) სტატია (მასში ვიდეო) დაიდება KAR.GE-ზე და გადაზიარდება ჩვენს FB რესურსებზე. ფასი 600+ ლარი (ტრანსპორტირების და ა.შ. სხვა ხარჯების მიხედვით). შექმნილ მასალებს ნახავს 50-70,000 ადამიანი.
  3. პროდუქციის საჯარო შესყიდვა.
    ბნ. ტარიელ ზივზივაძე კონკრეტულ ადგილას პირადად იყიდის პროდუქციას და გააშუქებს ამ სვლას საჯაროდ. დაიწერება სტატია KAR.GE-ზე (სურათი, ტექსტი) და ის გადაზიარდება FB არხებით. ფასი 400+ ლარი (პროდუქტის, ტრანსპორტირების და ა.შ. სხვა ხარჯების მიხედვით). შექმნილ მასალებს ნახავს 30-50,000 ადამიანი.
  4. ანონსის / სიახლის / სტატიის / ინტერვიუს KAR.GE-ზე განთავსება.
    შესაძლებელია წინასწარ მომზადებული მასალის გამოქვეყნება (მცირედი რედაქტირება შესაძლოა დასჭირდეს). მასალა შეიძლება მოიცავდეს ფოტოს, ვიდეოს და/ან ტექსტს. ვებსაიტზე გამოქვეყნებამდე შესაძლებელია მასალის გადამოწმება (ტექნიკური ხასიათის). გვერდი გადაზიარდება FB რესურსებით. ფასი 400+ ლარი თითო შინაარსზე. გვერდს მითითებული ექნება, რომ სარეკლამო დაკვეთაა. შექმნილ მასალებს ნახავს 30-50,000 ადამიანი.
  5. ღონისძიების საინფორმაციო მხარდაჭერის პაკეტი.
    საინფორმაციო მხარდაჭერის პაკეტი მოიცავს 1) ანონსის სტატია KAR.GE -ზე ღონისძიებამდე 7 / 10 დღით ადრე და მისი მასიური გადაზიარება ჩვენს FB რესურსებზე, 2) ანონსის 1000 / 1500 px ზომის პოსტერის გაკეთება იმავდროულად და FB-ზე მასიური გაზიარება, 3) ანონსი 1 დღით ადრე (ძველი ანონსის გადაზიარება), 4) ადგილზე სტუმრობა (FB Live / ვიდეოს გაკეთება ადგილიდან, ფოტოების გადაღება (მათ შორის 2/3 გამოსადეგი პოსტერ-ფოტოები)), 5) FB Live / ვიდეოს სტატია KAR.GE-ზე და მისი გადაზიარება FB რესურსებზე, 6) ფოტოკოლაჟი KAR.GE-ზე და მისი გადაზიარება FB რესურსებზე. 7) პოსტერ ფოტოების დადება გარკვეული სისტემით post კამპანიის სახით. ფასი 1500+ ლარი (ტრანსპორტირების და ა.შ. სხვა ხარჯების მიხედვით). შექმნილ მასალებს ნახავს 200,000+ ადამიანი.
  6. Retargeting ბოლო 180 დღეში kar.ge ვებსაიტის სტუმრებთან. ეს ყველა განსაკუთრებული “ინსტრუმენტი” გულისხმობს ბოლო 180 დღეში kar.ge-ს სტუმრებთან თქვენი შეთავაზების FB-ზე რეკლამირებას. 40,000+ ადამიანი გვყავს FB Pixel-ის მეშვეობით შეკრებილ FB აუდიტორიაში, რომელიც ქართული თემით არის დაინტერესებული. ამაზე უკეთეს სამიზნე ჯგუფს ალბათ ძნელად თუ მოძებნით. ფასი დამოკიდებულია შეთავაზებაზე.

დამატებითი ინფორმაციისთვის მოგვწერეთ info@kar.ge-ზე,

ან დაგვირეკეთ ტელეფონზე 577 73 79 64.