ჩვენ ვყიდულობთ საქართველოში წარმოებულ ხარისხიან პროდუქციას. რატომ? 1) გადახდილი ფულით ხელფასს ვუხდით საქართველოს მოქალაქეს, 2) ვავითარებთ ადგილობრივ წარმოებას და 3) ვაძლიერებთ საქართველოს!

შპს ჯეო მულჩ Geo Mulch LLC

სოფ. გამარჯვება, შემოვლითი გზის მე–4 კილომეტრი
1306 გარდაბანი, ქვემო ქართლი, საქართველო
+995 599 11 12 34
info.mulchgeo@gmail.com
http://geomulch.ge
FB / ჯეო მულჩი

შპს ჯეო მულჩ Geo Mulch LLC ქართულ ბაზარზე 2014 წლიდან ფუნქციონირებს. კომპანიის დაარსებას წინ უძღვოდა კომპანიის დამაარსებლების მხრიდან კონკრეტული პროდუქტით (მულჩით) დაინტერესება აშშ-ში, სადაც მულჩის გამოყენებას ასწლოვანი ისტორია აქვს. კომპანიის დამაარსებელმა ბნ. მიხეილ მესტვირიშვილმა, რამდენიმე წლის განმავლობაში შეისწავლა ორგანული მულჩის წარმოების ტექნოლოგია და გამოყენების კულტურა კოლორადოს სახელწიფო და ჩრდილო კალიფორნიის უნივერსიტეტებში. საქართველოში დაბრუნებისთანავე კი დააარსა კომპანია და დაიწყო საქართველოსთვის ინოვაციური პროდუქტის – ორგანული მულჩის წარმოება.

წარმოება უკვე 4 წელია ვითარდება და 2019 წელს გაყიდვებმა პიკს მიაღწია (გახუთმაგდა 2018 წელთან შედარებით) მარკეტინგზე მინიმალური დანახარჯების ფონზე. პირველ რიგში იმიტომ, რომ ეკოლოგია და ჯანსაღი გარემო სულ უფრო მეტად გახდა თემა და ჯეო მულჩი კი მულჩის გამოყენების პრაქტიკის დანერგვის წინა ხაზში აღმოჩნდა კონკურენტების გარეშე. კომპანიამ 2018 წელს თიბისის ბანკის მიერ გამართულ ეროვნულ ბიზნეს დაჯილდოვებაში გაიმარჯვა ნომინაციით “ბიზნესი დადებითი გავლენისთვის”, 2019 წელს კი საქართველოს პასუხისმგებელი ბიზნეს კონკურს “მელიორას” გამარჯვებული გახდა ნომინაციაში “ნარჩენების მართვა”. 2020 წელს საქართველოს ინტელექტუალური საკუთრების ეროვნულ ცენტრში კომპანიის მიერ წარმოებული პროდუქტი, როგორც “სიახლე ტექნოლოგიაში” დაპატენტდა სახელწოდებით – ეკოლოგიურად სუფთა “ბიოორგანული მულჩის” წარმოების ექსკლუზიური ტექნოლოგია (პატენტის # GE U 2021 2064 Y).

რა არის ორგანული მულჩი?

მულჩი ორგანული პროდუქტია. იგი მიიღება ხის მაგარი და რბილმერქნიანი მცენარეების ნარჩენის შესაბამისი ტექნოლოგიით მსხვილ და წვრილ ფრაქციებად დაქუცმაცებით. მუშავდება ეკოლოგიურად სუფთა ბიოორგანული თხევადი სასუქით. შეფერვა ხორციელდება აშშ სტანდარტების შესაბამისი სპეც. საღებავით. მულჩი გამოიყენება როგორც სოფლის მეურნეობაში, ასევე დეკორატიული მცენარეების, ეზოების, ბაღების და ზოგადად ლადშაფტის დიზაინის გაკეთილშობილებისა და მოვლისათვის.

რა არის მულჩირება?

მულჩირება არის ნიადაგის მოშიშვლებული დამუშავებული ზედაპირის გადაფარვა ბუნებრივად აქტიური ეკოლოგიურად სუფთა ბუნებრივი ტყე–მასალისგან დამზადებული მულჩით.

მულჩირების უპირატესობებია:

 მულჩით დაფარული ნიადაგი და ნარგავები დაცულია გადარეცხვისგან, გამოფიტვისგან გადახურებისგან, ყინვისგან. შასაბამისად აღარ მიმდინარეობს ეროზიული პროცესები და ფესვთა სისტემა დაცულია
 მულჩირების შემდგომ ნიადაგიდან 40–60 პროცენტით მცირდება წყლის აორთქლება, რაც ამცირებს მორწყვის ინტენსივობას
 მულჩირების შემდგომ, დროთა განმავლობაში, მულჩის ქვედა ფენა გარდაიქმნება ბიოლოგიურად აქტიურ საკვებად მცენარისთვის. მოსულ ატმოსფერულ ნალექებთან ერთად ჩაედინება ნიადაგში და ამდიდრებს მას ორგანული საკვებით
 ჯეო მულჩის მიერ დამზადებული მულჩი არის დანაფოტებული როგორც მსხვილ, ასევე წვრილ ფრაქციად. ეს უკანასკნელი სწრაფად გადის ნეშომპალად ქცევის პროცესს და ამდიდრებს ნიადაგს
 მულჩი დამუშავების პროცესში მდიდრდება B ჯგუფის ბაქტერიებით და მინერალებით. მულჩირების შემდგომ ეტაპობრივად გამდიდრდება ნიადაგი მინერალებით
 B ჯგუფის ბაქტერიები უზრუნველყოფენ ნიადაგში არსებული მინერალების მცენარისთვის ადვილად ათვისებად მდგომარეობაში გარდაქმნის პროცესს
 ზამთარში ინარჩუნებენ ტემპერატურას ნიადაგში
 აღნიშნული ბაქტერიები ასევე წარმოადგენს მცენარის საკვებს
 სეზონურად, მულჩი მცენარისთვის უზრუნველყოფს ზამთარში +4 C ტემპერატურას, ხოლო ზაფხულში არსებულ ტემპერატურაზე –4 C-ს, რაც სასათბურე პირობებს უქმნის ნარგავს წლის ნებისმიერ დროს
 ორგანული მულჩი 27 %–ით ამცირებს მიწიდან მომწამვლელი აზოტის ოქსიდების ამოფრქვევას. თავის მხრივ, შენარჩუნებული აზოტი ამდიდრებს ნიადაგს
 გააჩნია აბსორბაციის (შთანთქვა) უნარი, მულჩზე დაფენილი მტვრის ნაწილაკები ტენის მოსვლის შედეგად ჩადის მიწაში და ატმოსფერულ ჰაერში აღარ განიბნევა

“ჯეო მულჩი” ასორტიმენტშია 4 სახის მულჩი:

1. შეუფერავი მულჩი (ბუნებრივი ხის ფერი)
2. წითელი მულჩი
3. ყავისფერი მულჩი
4. შავი მულჩი

რატომ ვირჩევთ ორგანულ მულჩს?

 მულჩს აქვს სასიამოვნო ფერი (ბუნებრივი ხის ფერი, წითელი, შავი, ყავისფერი) და ფაქტურა
 არ აქვს მტვერი და წვიმის შემდეგ არ ტალახდება
 სასიარულოდ უფრო მოსახერხებელია, ვიდრე ქვიშა ან მიწა, რადგან მისი ზედა ფენა სწრაფად იშრობს წყალს ქვედა ფენა კი სინოტივეს ინარჩუნებს
 არის ქარისადმი მდგრადი
 ხელს უშლის არასასურველი ბალახის გავრცელებას
 არის ესთეტიკურად ძალიან ლამაზი
 უსაფრთხო და ჯანმრთელი პროდუქტი

კომპანიის ძირითადი მიმართულებებია:

 ლანდშაფტის დიზაინი/დაგეგმარება და განხორციელება
 მცენარეების შერჩევა/დარგვა
 მულჩირება
 შემდგომი მოვლა-პატრონობა

მულჩით უკეთესია!