მოძრაობა KAR.GE გირჩევთ: იყიდეთ მხოლოდ საქართველოში წარმოებული პროდუქცია! ყიდულობ ქართულს? გადახდილი ფულით აძლიერებ ქართულ ბიზნესს, ხელფასს უხდი საქართველოს მოქალაქეს და აძლიერებ საქართველოს!
Breaking News

BakeHouse

ბრენდი – BakeHouse ქართული ბრენდია, რომელიც ბაზარზე სულ ახლახან გამოჩნდა, მაგრამ მის უკან დგას საწარმო – შპს „ემსიბი ჯორჯია“, რომელიც 1999 წლიდან მუშაობს ისეთი მაღალი სტანდარტებისა და მოთხოვნების სფეროში როგორიცაა კვების მრეწველობა.

შპს „ემსიბი ჯორჯია“ მსოფლიოს უდიდესი სწრაფი კვების კომპანია “მაკდონალდსის” რესტორნების ქსელს პურ-ფუნთუშეული პროდუქციით ამარაგებს ამიერკავკასიის სამივე ქვეყანაში – საქართველოში, აზერბაიჯანსა და სომხეთში. საწარმო 1999 წელს შეიქმნა და ფუნქციონირება დაიწყო ამერიკული კორპორაცია „EAST BALT Inc.”-თან პარტნიორობითა და მჭიდრო თანამშრომლობით. მანქანა-დანდგარების შეძენა მოხდა ამ დარგში ცნობილი ისეთი ფირმებისგან, როგორიცაა “Stewart Systems Inc.” (აშშ), “Sottoriva S.p.A.”,” Brevetti Gasparin S.p.A.”, “Zucceli  S.p.A.”, “Rollmatic” (ყველა იტალია) და “Konig Machinnen Gmbh.” (ავსტრია), „Bakery Equipment PRI”, “Impac Engineering Ltd.” (ისრაელი) და სხვა. შპს „ემსიბი ჯორჯია“ ყოველწლიურად გადის ხარისხისა და პროდუქციის უსაფრთხოების აუდიტს, რომელსაც ატარებენ საერთაშორისო სერტიფიკაციის აუდიტორული კომპანიები: “AIB International და “Bureau Veritas”.

რებრენდინგი 2016 წლის დასაწყისში განხორციელდა და ეს კომპანიის მიერ ბაზარზე ახალი სახეობის პროდუქციას შემოტანას უკავშირდება. ბრენდის ძირითადი ღირებულებებია:

  • ჩვენ ვართ პროფესიონალები მრავალწლიანი გამოცდილებით და ზუსტად ვიცით როგორ იქმნება ხარისხიანი პროდუქტი.
  • ჩვენ ვზუნავთ ხარისხსა და მაღალ სტანდარტებზე, მუდამ ვვითარდებით და ვაკონტროლებთ პროდუქტს.
  • ჩვენ ვმუშაობთ გამჭვირვალედ და მომხმარებელთა ინტერესები უმთავრესი ფაქტორია კომპანიისთვის.
  • ჩვენ გთავაზობთ თანამედროვე ცხოვრების სტილს და რიტმს.

სწრაფი, რჩეული, გამოცდილი – «BakeHouse» მუშაობს, რომ იყოს თქვენი ყოველდღიურობის ნაწილი. თქვენი მოთხოვნილებების დასაკმაყოფილებლად და კომფორტის უზრუნველსაყოფად,  ვიყენებთ მთელს ენერგიას, ცოდნასა და შეძენილ გამოცდილებას. მრავალფეროვან, სანდო და ხარისხიან პროდუქციას ვთავაზობთ ყველას, ვისაც მოსწონს თანამედროვე ცხოვრების სტილი და იცის რა სურს.

კომპანიაში დანერგილია და მოქმედებს პროდუქტების უსაფრთხოების „რისკების ანალიზისა და კრიტიკული საკონტროლო წერტილების მართვის“ სისტემა HACCP.

პროდუქციის ასორტიმენტი შედგება სხვადასხვა სახის პროდუქტებისგან, როგორიცაა ჰამბურგერი, ამერიკული ბეგელი, ჰოთდოგის პური, ბრეტცელი, ბლითი, ვანილის მაფინი, ფორთოხლის მაფინი, მაფინი შოკოლადით, შოკოლადის მაფინი, რომლებითაც კომპანია ქსელურ და არაქსელურ სავაჭრო ობიექტებსაც ამარაგებს. დღეს BakeHouse-ის პროდუქციის შეძენა 500–მდე ასეთ ობიექტშია შესაძლებელი.