ჩვენი 2,000,000+ აუდიტორია მოუთმენლად ელის გაიცნოს & იყიდოს თქვენი ნაწარმი!

486 – პირველი დღის არჩევანი – იოგურტი

ქართულია & kar.ge-ა!

ჩემი დღევანდელი საუზმე – მომჟავო გემო ხრაშუნა ფანტელების ტკბილი კონტრასტით,  სანტისიმოს შოკოლადის ფანტელებიანი იოგურტი იყო. იმ მოტივით, რომ დღეს პირველად გიყვებით ჩემს სამომხმარებლო არჩევანზე, მინდოდა რასაც წაიკითხავდით მიზეზით – დამზადებულია საქართველოში, თქვენთვის არცთუ უცნობი ყოფილიყო. კარგია, როცა  ნაცნობი გემო ყველა შეძენილ ქილაში ნარჩუნდება.

მწარმოებელი შპს „სანტე ჯი-ემ-თი პროდუქტები“ ირწმუნება, ეს ის შემთხვევაა როდესაც სასარგებლო გემრიელიაო. იოგურტი აღდგენილი რძითაა დამზადებული (რძის ფხვნილით). კალორიების მთველელებისათვის შესაფერისი  საუზმეა – სულ რაღაც 129 კკალ და 180 გრამი.

პროდუქტის დამზადებისას დაცულია საკვები პროდუქტების უსაფრთხოების მართვის სისტემის (HACCP) პრინციპები. იმპორტირებულ იოგურტებთან თავს დამცირებულად არ გრძნობს – მიმზიდველ  შეფუთვაშია.  თუმცა, ქილის გახსნისას აუცილებლად გაგეღიმებათ –  შეფუთვის მოცულობა ქილაში დახვედრილი იოგურტის რაოდენობასთან შედარებით თითქმის ორჯერ მეტია.

ფასი კონკურენტულია. გუდვილში 1.62 ლარი გადავიხადე (სხვაგან ფასი მრგვალდება 1.65-მდე).

ქსელური სუპერმარკეტების დახლებზე კომერციულად მომგებიან ადგილასაა განთავსებული – როგორც ჩანს მენეჯმენტი საკმარისად მონდომებულია. სამაგიეროდ, ჩემს უბანში ოთხი ძალიან მსხვილი სუპერმარკეტიდან არცერთში არ დამხვდა ეს იოგურტი – ზოგჯერ მონდომება საკმარისი არაა მომხმარებლის ლოიალურობის შესანარჩუნებლად. დღეს ქართულ გემოს საგანგებოდ ვსდევდი და ქალაქის მეორე ნაწილში, გუდვილში მოგძებნეთ.

ქათინაური მარკეტოლოგებს – ძალიან კარგ შეფუთვას კარგ გემოსთან მიჰყავხარ.

მე ისევ მივალ.

 

* სახელდახელო ფოტოების ხარისხს მკაცრად ნუ განსჯით.