მოძრაობა KAR.GE გირჩევთ: იყიდეთ მხოლოდ საქართველოში წარმოებული პროდუქცია! ყიდულობ ქართულს? გადახდილი ფულით აძლიერებ ქართულ ბიზნესს, ხელფასს უხდი საქართველოს მოქალაქეს და აძლიერებ საქართველოს!
Breaking News
მთავარი > ძმების მარანი

ძმების მარანი

შპს “CCBG – ბოლნისი 2015” მდებარეობს სამხრეთ საქართველოში, ქ. ბოლნისში. აქ ვაზი ფერდობზეა გაშენებული ზღვის დონიდან 570 მეტრზე და მზეც გარკვეული კუთხით ხვდება. ეს ფაქტორები ადგილზე ისეთ უნიკალურ მიკროკლიმატს ქმნის, რომელიც მიწის მახასიათებლებთან ერთად განსხვავებული გემოვნების და შაქრიანობის რქაწითელის მოყვანას განაპირობებს. ბოლნისის რქაწითელის მსგავსი რქაწითელი არსად მთელს კახეთში არ მოიპოვება. კომპანია ოპერირებს ბრენდით – ძმების მარანი. მთავარი პროდუქტი – ბოლნისის ქვევრის რქაწითელი მშრალი, გაუფილტრავი.

ბრენდი “ძმების მარანი” ძმების – ბნ. გურამ ავქოფაშვილის და ბნ. გიორგი ჭყონიას მიერ შექმნილია და თავიდანვე მიზნად დაისხა სწორედ ბოლნისის რაიონის პოპულარიზება ღვინის სამყაროში. სწორედ აქედან მოდის დასახელება “ძმების მარანი”. კომპანიის ამოცანაა ბიო ღვინის მიმართულებაში თქვას თავისი სათქმელი, რის გამოც ვენახს განსაკუთრებული რუდუნებით უფრთხილდებიან.

ძმებს მყარად ჰქონდათ გადაწყვეტილი ბოლნისის რაიონის ნაწარმის – ქვევრის რქაწითელის უნიკალობის წარმოჩენა, რაც პირველივე წელს უკვე წარმატებით მოახერხეს. ახალი ღვინის ფესტივალზე 2016 წლის 14 მაისს ღვინომ დიდი მოწონება დაიმსახურა, WineExpo 2016-ზე კი 2016 წლის 3-5 ივნისს ვერცხლის მედალი და 6 უცხოელი ღვინის მაგისტრის აღიარება მოიპოვა. 1 წლის კომპანიისთვის, რომელმაც პირველი ღვინო აწარმოა პირველივე წელს ასეთი აღიარება უკვე ძალზედ საამაყო ფაქტია.

ღვინო იყიდება შემდეგ მისამართებზე:

თბილისი:
ღვინის მაღაზია ვინომანია, კ. აფხაზის 5/7
ღვინის მაღაზია #1, ჯ. აფხაზის 45
ღვინის ოთახი, ჭოველიძის 39

ბათუმი:
ღვინის ოთახი, ზ. გამსახურდიას 9
ვინომანია, დუმბაძის 7