მოძრაობა KAR.GE გირჩევთ: იყიდეთ მხოლოდ საქართველოში წარმოებული პროდუქცია! ყიდულობ ქართულს? გადახდილი ფულით აძლიერებ ქართულ ბიზნესს, ხელფასს უხდი საქართველოს მოქალაქეს და აძლიერებ საქართველოს!
Breaking News
მთავარი > შემოქმედი

შემოქმედი

ქართული ჩაის ბრენდი “შემოქმედი”-ს მფლობელია შპს “მილმართი”, რომელიც 2011 წლიდან არსებობს და ორიენტირებულია უმაღლესი ხარისხის მწვანე და შავი ჩაის წარმოებაზე. დღეისათვის კომპანია კლასიკურ მეთოდებზე დაყრდნობითა და თანამედროვე მოთხოვნების ტექნოლოგიების დაცვით წელიწადში დაახლოებით 15 000 კგ მსხვილფოთლოვან უმაღლესი ხარისხის გრეხილ მწვანე და შავ ჩაის აწარმოებს. პროდუქცია ფასოვდება დასაყენებელი ჩაის სახით და იყიდება ძირითადად ევროპაში, აღმოსავლეთ ევროპის ქვეყნებში და ქართულ ბაზარზე.

საიდან მოდის ბრენდული დასახელება – “შემოქმედი”?

საქართველოს მეჩაიობის ერთ-ერთ ძირძველ კუთხეში – გურიაში მდებარეობს სოფელი შემომოქმედი, სადაც ერთხელ თუ მოხვდი არასოდეს დაგავიწყდება. მისი ბუნება წელიწადის ყველა დროს თვალისმომჭრელია, ტყუილად არ შეურქმევიათ უზენაესის სახელი. ქართული ჩაის ბრენდი “შემოქმედი” სათავეს სწორედ აქედან იღებს. სახელი და მისი დატვირთვა ხაზს უსვამს სწორედ რომ ხარისხს, უმაღლეს ხარისხს, რომელიც ახასიათებს ბრენდის სახელით წარმოებულ ყველა პროდუქციას. თავად საწარმოც შემოქმედში მდებარეობს. ბრენდის სლოგანია: “სრული ჰარმონიის შეგრძნება”.

დღეისათვის წარმოებული პროდუქციის ასორტიმენტში შედის: შავი ბაიხის ჩაი, დასაყენებელი, 100გ; შავი ბაიხის ჩაი, ერთჯერად პაკეტებში; შავი ბაიხის ჩაი, დასაყენებელი, 50გ; მწვანე ჩაი, დასაყენებელი, 100გ; მწვანე ჩაი, ერთჯერად პაკეტებში; მაყვლის ფოთლის ჩაი, დასაყენებელი, 75გ; მოცვის ფოთლის ჩაი, დასაყენებელი, 75გ; მწვანე ბაიხის ჩაი – ხელნაკეთ 200გრ.-იან “ტომსიკებში“;