მოძრაობა KAR.GE გირჩევთ: იყიდეთ მხოლოდ საქართველოში წარმოებული პროდუქცია! ყიდულობ ქართულს? გადახდილი ფულით აძლიერებ ქართულ ბიზნესს, ხელფასს უხდი საქართველოს მოქალაქეს და აძლიერებ საქართველოს!
Breaking News
მთავარი > ნიკორა, სააქციო საზოგადოება
ნიკორა

ნიკორა, სააქციო საზოგადოება

კომპანიის დასახელება: სააქციო საზოგადოება ნიკორა
მისამართი: თბილისი 0180, მ. ქავთარაძის #11
ვებსაიტი: http://nikora.ge
Facebook გვერდი: https://www.facebook.com/nikoraJSC
ტელეფონი: 032 269 55 50
ელ.ფოსტა: contact@nikora.ge

სააქციო საზოგადოება ნიკორა 1998 წელს ქართული კაპიტალით დაფუძნდა და 17 წელზე მეტია კვების პროდუქტების ბაზრის უცვლელი ლიდერია. ამჟამად, კომპანიის ჰოლდინგში ხორცპროდუქტების, ნახევარფაბრიკატების, თევზეულის, რძის ნაწარმის, ნაყინის, პურ-ფუნთუშეულის, გაყინული საკონდიტრო ნაწარმის, ღვინის და სალათების საწარმოებია გაერთიანებული. ამას გარდა, ნიკორას ერთ-ერთი შვილობილი კომპანია ინტრეიდი არაერთი სახეობის კვების პროდუქტისა და სასმელის ექსკლუზიური იმპორტიორია საქართველოში.

დღეს კომპანიის მფლობელობაშია რეგიონალური საწარმო ფოთში, საკალმახე მეურნეობა ოზურგეთში და სასაქონლე ფერმა გარდაბნის რაიონში. ამასთანავე, უნდა აღინიშნოს ისიც, რომ სწორედ ნიკორა გახლდათ კომპანია, რომელმაც საქართველოში პირველმა დაიწყო საფირმო  ქსელის განვითარება და  მომხმარებელს  მაღაზიებში მისივე დამზადებული პროდუქცია შესთავაზა.

ნიკორა ქართულ ბაზარზე ყველაზე მრავალრიცხოვანი სავაჭრო ქსელით –  200-ზე მეტი სუპერმარკეტითაა წარმოდგენილი. ნიკორა ბრენდის ქვეშ არსებული სუპერმარკეტების გარდა, ჰოლდინგის მფლობელობაშია ნუგეშის, ლიბრეს და სანდეის სავაჭრო ობიექტები. კომპანია 500-მდე დასახელების პროდუქციის წარმოება-რეალიზებას ეწევა, თანამშრომლების რიცხვი კი 4,000-ს აღწევს.

კომპანია უკვე რამდენიმე წელია ფლობს ხარისხის მართვისა და სურსათის უვნებლობის საერთაშორისო ISO 9001 : 2008; ISO 22000 : 2005 – НАССР სერტიფიკატებს.

მისია:

ჰოლდინგში შემავალი კომპანიებისთვის მაქსიმალური პირობების შექმნა და ხელშეწყობა, რათა აწარმოონ უმაღლესი ხარისხის კვების პროდუქტები, რომელიც საზოგადოებისთვის იქნება ორიენტირი კვების მრეწველობის დარგში.

მიზანი:

✔ კვების მრეწველობის უახლესი ტენდენციების გათვალისწინებით, უმაღლესი ხარისხის პროდუქციის წარმოება.
✔ ურთიერთგაგებისა და  ურთიერთინტერესების გათვალისწინებით მოქმედება, რათა ჰოლდინგში შემავალი კომპანიებისა და მომხმარებლების ურთიერთობა იყოს ღირსეული.
✔ პარტნიორ კომპანიებთან ნდობასა და პასუხისმგებლობაზე აგებული ურთიერთობის დამყარება.
✔ დასაქმებულთათვის ღირსეული სამუშაო პირობების შექმნა და მათი პროფესიული უნარ-ჩვევების განვითარება.