მოძრაობა KAR.GE გირჩევთ: იყიდეთ მხოლოდ საქართველოში წარმოებული პროდუქცია! ყიდულობ ქართულს? გადახდილი ფულით აძლიერებ ქართულ ბიზნესს, ხელფასს უხდი საქართველოს მოქალაქეს და აძლიერებ საქართველოს!
Breaking News

სს საქკაბელი საქართველოში საკაბელო პროდუქციის ყველაზე დიდი მწარმოებელია. ქარხანა 1958 წელს დაარსდა და მის ძირითად ფუნქციას ათობით დასახელების სპილენძისა და ალუმინის არაიზოლირებული, ძალოვანი, სამონტაჟო, თვითმზიდი, საკონტროლო და სასიგნალო კაბელების წარმოება წარმოადგენს. ათობის დაასახელების პროდუქცია ბრენდული დასახელებით – „საქკაბელი“ იყიდება საქართველოში და მის ფარგლებს გარეთ. წარმოებული პროდუქციის სრული ჩამონათვალი და დეტალური დახასიათებები იხილეთ აქ.

– სპილენძის მავთულებით შეგრეხილი არაიზოლირებული სადენი. გამოიყენება ელექტროენერგიის გადასაცემად საჰაერო ელექტრულ ქსელებში. გამოიყენება I და II ტიპის ატმოსფერულ ჰაერში იმ პირობით, თუ ატმოსფეროში გოგირდის გაზის შემცველობა არაა მეტი 150მგ/მ² დღეღამეში (150მგ/მ³) და ხმელეთზე ყველა მიკროკლიმატურ რაიონებში სტანდარტ 15150-69 ის შესაბამისად. სადენი მზადდება სპილენძის მავთულებისაგან შეგრეხვით. ფენებად შეგრეხვის შემთხვევაში შეგრეხვა წარმოებს ურთიერთსაწინააღმდეგო მიმართულებით. მუშაობის ხანგძლივობა არანაკლებ 45 წელი. ექსპლოატაციის საგარანტიო ვადა: 4 წელი ექსპლოატაციაში შესვლიდან.

სს საქკაბელი ბაზარზე თავის დამკვიდრებას პროდუქციის მაღალი ხარისხით და ხელმისაწვდომი ფასით ახერხებს. ბაზარი მზარდია და ხარისხიან საკაბელო პროდუქციაზე მოთხოვნა დღითიდღე იზრდება. პროდუქციას გააჩნია მაიდენტიფიცირებელი  აღნიშვნები, რითაც უტყუარადაა შესაძლებელი დადგინდეს მწარმოებელი ქარხანა, გამოშვების ზუსტი დრო, პასუხისმგებელი პირის ვინაობა და ყველა საჭირო ტექნიკური პარამეტრი.