მოძრაობა KAR.GE გირჩევთ: იყიდეთ მხოლოდ საქართველოში წარმოებული პროდუქცია! ყიდულობ ქართულს? გადახდილი ფულით აძლიერებ ქართულ ბიზნესს, ხელფასს უხდი საქართველოს მოქალაქეს და აძლიერებ საქართველოს!
Breaking News
მთავარი > მილმართი, შპს

მილმართი, შპს

კომპანიის დასახელება: შპს “მილმართი”
მისამართი: ოზურგეთი, სოფ. შემოქმედი
ვებსაიტი: http://milmartea.ge/
Facebook გვერდი: https://www.facebook.com/ჩაი-შემოქმედი/
საკონტაქტო პირი: გიორგი მაისურაძე
ტელეფონი: 5 99 95 25 95
ელ.ფოსტა: info@milmartea.ge

შემოქმედის ექსპერიმენტული ჩაის საწარმო, რომელიც შედიოდა ანასეულის ჩაისა და სუპტროპიკული კულტურების ინსტიტუტში, დაარსდა ჯერ კიდევ 1975 წელს. საწარმომ თავიდანვე გაითქვა სახელი უმაღლესი ჩაის წარმოებით. აქ ხშირად სტუმრობდნენ ჩაის სპეციალისტები ინგლისიდან, იაპონიიდან, შრი ლანკადან, ირანიდან. 1975-76 წლებში იაპონიიდან ჩამოტანილ იქნა ჩაის გადამუშავების ტექნოლოგიური ხაზი, რომელიც მუშაობდა მაღალხარისხოვანი ჩაის პროდუქციის მიღებაზე (ჩაის ფოთოლი იკრიფებოდა 2-3 დუყი და მისი გადამუშავებით მიიღებოდა ელიტარული ჩაი), მაგრამ საამქრომ იმუშავა მხოლოდ 2 წელი, რადგანაც საბჭოთა პერიოდში ძირითადი აქცენტი გაკეთებული იყო პროდუქციის რაოდენიბაზე და არა ხარისხზე. იაპონური ხაზი კი ამის საშუალებას არ იძლეოდა.

საქართველოში მიმდინარე პროცესებმა მიგვითითა რომ საჭიროა დიდი რაოდენობის, არამედ ხარისხიანი პროდუქციის წარმოება, რომელიც კონკურენციას გაუწევს უცხოეთიდან შემოტანილ ჩაის. აღსანიშნავია ის გარემოება, რომ 1990 წლის შემდეგ საქართველოს ჩაის ბუჩქებში არანაირი სასუქები არ შეტანილა, რაც წინაპირობა გახდა იმისა, რომ გვეწარმოებინა ეკოლოგიურად სუფთა ჩაის პროდუქცია. წლების განმავლობაში ზემოთ მოყვანილი იაპონური ხაზებიდან ბევრი განადგურდა, მაგრამ დარჩენილი ნაწილი საწარმომ აღადგინა და დაიწყო ხარისხიანი მწვანე და შავი ჩაის წარმოება.

შემოქმედის ექსპერიმენტული ჩაის საწარმოს ბაზაზე 2011 წელს შეიქმნა შპს ,,მილმართი”, რომელიც ძირითადად ორიენტირებულია უმაღლესი ხარისხის მწვანე და შავი ჩაის წარმოებაზე. დღეისათვის კომპანია კლასიკურ მეთოდებზე დაყრდნობითა და თანამედროვე მოთხოვნების ტექნოლოგიების დაცვით წელიწადში დაახლოებით 15 000 კგ მსხვილფოთლოვან უმაღლესი ხარისხის გრეხილ მწვანე და შავ ჩაის აწარმოებს. პროდუქცია ფასოვდება დასაყენებელი ჩაის სახით და იყიდება ძირითადად ევროპაში, აღმოსავლეთ ევროპის ქვეყნებში და ქართულ ბაზარზე.

დღეისათვის წარმოებული პროდუქციის ასორტიმენტში შედის: შავი ბაიხის ჩაი, დასაყენებელი, 100გ; შავი ბაიხის ჩაი, ერთჯერად პაკეტებში; შავი ბაიხის ჩაი, დასაყენებელი, 50გ; მწვანე ჩაი, დასაყენებელი, 100გ; მწვანე ჩაი, ერთჯერად პაკეტებში; მაყვლის ფოთლის ჩაი, დასაყენებელი, 75გ; მოცვის ფოთლის ჩაი, დასაყენებელი, 75გ; მწვანე ბაიხის ჩაი – ხელნაკეთ 200გრ.-იან “ტომსიკებში“;