მოძრაობა KAR.GE გირჩევთ: იყიდეთ მხოლოდ საქართველოში წარმოებული პროდუქცია! ყიდულობ ქართულს? გადახდილი ფულით აძლიერებ ქართულ ბიზნესს, ხელფასს უხდი საქართველოს მოქალაქეს და აძლიერებ საქართველოს!
Breaking News
მთავარი > მაისტერბრაუ

მაისტერბრაუ

შპს “მაისტერ ბრაუ” – ალკოჰოლური სასმელების მწარმოებელი კომპანია დაარსდა 2013 წელს და ფუნქციონირება დაიწყო 2014 წელს. საწარმოს ტექნოლოგიურ პროცესს უზრუნველყოფს ერთ-ერთი პარტნიორი, რომელიც გერმანიაში მიღებული განათლებით და გამოცდილებით (ალკოჰოლური სასმელების ტექნოლოგი) მნიშვნელოვან ნოვაციებს ნერგავს საწარმოს განვითარების პროცესში. საწარმო თანამედროვე გერმანული ტექნოლოგიებითაა აღჭურვილი.

ბრენდი “მაისტერბაუ” ქართველი და გერმანელი პარტნიორების მოფიქრებული სახელია, რომელიც ისტორიული გერმანული ტრადიციით ლუდის წარმოებაზეა დაფუძნებული. ჩანაფიქრი თავიდანვე იყო და არის უნიკალურ და იშვიათი სასმელების წარმოება. სწორედ ასეთია “ლუდის შნაპსი”, იგივე “ლუდის ბრენდი” [ახალი სახელი სპეციალურად გერმანული ბაზრისთვის], რომელმაც საზოგადოება საქართველოში და გერმანიაში გააკვირვა. 2016 წლის გაზაფხულზე გერმანიაში, ქალაქ ნოიშტატში გაიმართა სპირტიანი სასმელების საერთაშორისო კონკურსი, რომელიც 2004 წლიდან ყოველწლიურად იმართება. საქართველოდან კონკურსზე წარდგენილი იყო შპს “მაისტერბრაუ“-ს ლუდის ბრენდი, რომელმაც ოქროს მედალი მოიპოვა. სპირტიანი სასმელების საერთაშორისო კონკურსზე გერმანიაში, სადაც 50-ზე მეტი ქვეყანა და 800-ზე მეტი დასახელების ბრენდი იყო წარმოდგენილი, ქართული წარმოების პროდუქტის გამარჯვება ნამდვილი წარმატებაა!

certificate

კომპანიას გეგმაში აქვს პროდუქციის ასორტიმენტის ზრდა, სხვადასხვა ქართული ხილის ნატურალური ალკოჰოლური სასმელების გამოშვება. ძირითადი აქცენტი აღებულია უნიკალურ და იშვიათი სასმელების წარმოებაზე. კომპანია აქტიურ მონაწილეობას გეგმავს საერთაშორისო კონკურსებში და გამოფენებში ცნობადობის და პოპულარობის გაზრდისათვის.

გაიცანით კომპანიის პროდუქციის სრული ასორტიმენტი:

  1. ლუდი მაისტერბრაუ
  2. ლუდის ბრენდი, 0.5 ლ
  3. ლუდის ბრენდი, მუხის კასრში დავარგებული, 0.5 ლ
  4. ლუდის ბრენდი, მუხის კასრში დავარგებული, 2 ლ

გარდა ამ პროდუქციისა შპს “მაისტერ ბრაუ” ნებისმიერ მსურველს სთავაზობს არყის და საკონიაკე სპირტის გამოხდას ღვინისგან, ლუდისგან, ჭაჭისგან, სხვადასხვა მარცვლეულისგან, ქარხნული წესით გერმანული სახდელი დანადგარებით, რომლებიც გარანტირებულად უზრუნველყოფენ უმაღლესი ხარისხის არყის, საკონიაკე და სხვა სპირტების მიღებას.

შპს “მაისტერ ბაუ”-ს პროდუქციის შეძენა შეიძლება თბილისის მასშტაბით სავაჭრო ქსელებში.