მოძრაობა KAR.GE გირჩევთ: იყიდეთ მხოლოდ საქართველოში წარმოებული ხარისხიანი ნაწარმი! ყიდულობ ქართულს? გადახდილი ფულით ხელფასს უხდი საქართველოს მოქალაქეს, ავითარებ ქართულ ბიზნესს და აძლიერებ საქართველოს!
Breaking News
მთავარი > ი.მ. ლიანა დემეტრაშვილი

ი.მ. ლიანა დემეტრაშვილი

სტალინის 61, თეთრიწყარო, საქართველო
+ 995 593 164 069
lia.demetrashvili164069@gmail.com
FB/თხის რძის პროდუქტები ამალთეა

ინდ. მეწარმე ლიანა დემეტრაშვილი 2011 წელს თბილის ქალაქიდან თეთრიწყაროს რაიონში გადასახლდა და თხების ფერმა მოაშენა. დაიწყო 15 თხით ამჟამად კი მცირე ფერმა 50 სულ თხას აჭარბებს. სოფლად ცხოვრება თავიდან გაუჭირდა, მაგრამ დღეს უკვე ამაყია, რომ მეურნეობაც წელში გამართულია და ღვთის წყალობით გაყიდვებიც ნელა, მაგრამ იზრდება. მთავარი კი ისაა, რომ სხვადასხვა პროგრამების მეშვეობით ნელ-ნელა ავითარებს მეურნეობას, რომელიც უნიკალურ პროდუქციას იძლევა და მრავალი კუთხითაა სასარგებლო მისი მომხმარებლისთვის. ქალბატონ ლიანას ფერმაში წარმოებული თხის რძე და მისგან დამზადებული პროდუქცია ბაზარზე ბრენდი “ამალთეა”-ს სახელწოდებით ხვდება. ამალთეას უახლოესი მიზნებია საკუთარი საწარმოს შექმნა.

ამალთეა თხის რძის პროდუქციას – რძეს, ყველს, ნადუღს და კარაქს აწარმოებს და იმედით შეჰყურებს მომავალს. ეს ნიშური პროდუქციაა, რომელსაც თავისი მყიდველი ჰყავს. ქ-ნი ლიანას თხის რძის პროდუქტები პერიოდულად თბილისში ჩამოაქვს და აქ სავაჭრო ობიექტებს აბარებს სარეალიზაციოდ. პროდუქტი არის ძვირი, მაგრამ ვინც თხის რძის პროდუქციის სარგებლიანობა იცის, მას არც ის გაუკვირდება რატომაცაა ასეთი მაღალი ფასი. თხის პროდუქცია განსაკუთრებით სასარგებლო ბავშვთა კვებაში, ვინაიდან მდიდარია სასარგებლო ნივთიერებებით და შემადგენლობით დედის რძესაც კი უახლოვდება.