მოძრაობა KAR.GE გირჩევთ: იყიდეთ მხოლოდ საქართველოში წარმოებული პროდუქცია! ყიდულობ ქართულს? გადახდილი ფულით აძლიერებ ქართულ ბიზნესს, ხელფასს უხდი საქართველოს მოქალაქეს და აძლიერებ საქართველოს!
Breaking News
მთავარი > თათარა მოხალული ნუშით

თათარა მოხალული ნუშით

პროდუქციის მწარმოებელია შპს გრეიფი, რომელიც 2015 წლის დეკემბერში დაარსდა. ძირითად საქმიანობას წარმოადგენს აგრო მრეწველობა, სოფლის მეურნეობის პროდუქტების გადამუშავება და წარმოება. ამ უგემრიელეს უნიკალურ პროდუქტს შპს გრეიფი ბრენდ “თათარა“-ს ბრენდული სახელწოდებით აწარმოებს.

თათარა მოხალული ნუშით სამი ნაირსახეობით გამოდის:
1. თეთრი – რქაწითელის ყურძნის წვენით;
2. წითელი – საფერავის ყურძნის წვენით;
3. წითელი და თეთრი თათარების ნარევი;

შეფუთვას თუ დავაკვირდებით, ნათლად ჩანს შიგთავსი, რაც ამ ტიპის პროდუქტისთვის მნიშვნელოვანი უპირატესობაა. თავად პროდუქტი ფორმით ძალიან წააგავს ბუნებრივ ნუშს, რომელშიც მოთავსებულია შესაბამისი შიგთავსი. შეფუთვაში რაც არ ჩანს, არის მეორე დონე, ანუ პროდუქცია შეფუთვაში ორ დონედ არის განლაგებული და ისინი თხელი ფურცლით არიან გაყოფილი. შეფუთვაშია ასევე ორი ცალი ხის ჩხირიც, რომელთა მეშვეობით შეგიძლიათ პროდუქციის მოხერხებულად მირთმევა.

პროდუქტი შეგიძლიათ შეიძინოთ სპეციალური შეკვეთით, ასევე ძირითად სავაჭრო ქსელებში.