მოძრაობა KAR.GE გირჩევთ: იყიდეთ მხოლოდ საქართველოში წარმოებული ნაწარმი! ყიდულობ ქართულს? გადახდილი ფულით ხელფასს უხდი საქართველოს მოქალაქეს, ავითარებ ქართულ ბიზნესს და აძლიერებ საქართველოს!
Breaking News
მთავარი > გრეიფი, შპს

გრეიფი, შპს

ნუშის 7, 0178 თბილისი, საქართველო
+995 593 58 38 20
grape.geo@gmail.com
FB/tatara.ge

შპს “გრეიფი” დაარსდა 2015 წლის დეკემბერში და მის ძირითად საქმიანობას წარმოადგენს აგრო მრეწველობა, სოფლის მეურნეობის პროდუქტების გადამუშავება და წარმოება. ამჟამად კომპანიაში დასაქმებულია ექვსი ადამიანი. პროდუქტი არის ტრადიციული და ცნობილი ტკბილეული – „თათარა“, რომელიც ინოვაციურ ფორმაშია წარმოებული და თანამედროვე სტანდარტების შეფუთვაშია მოთავსებული. კომპანიის მიზანია აწარმოოს პროდუქცია, როგორც საქართველოს ბაზრისთვის, ასევე გაიტანოს იგი ექსპორტზე.

თეთრი თათარა მზადდება რქაწითელის ყურძნის წვენით, ხოლო წითელი – საფერავის ყურძნის წვენით. თავად პროდუქტი დიზაინით ძალიან წააგავს ბუნებრივ ანალოგს, რომელშიც მოთავსებულია შესაბამისი ნაყოფი. შეფუთვაზე ნათლად ჩანს მისი შიგთავსი, რაც ამ ტიპის პროდუქტისთვის მნიშვნელოვანი უპირატესობაა. შეფუთვაში პროდუქცია განთავსებულია ორ ფენად და ისინი გაყოფილია მუყაოს ფურცლით. ასევე, შეფუთვაშია ორი ცალი ხის ჩხირიც (ასორტის შემთხვევაში ოთხი), რომელთა მეშვეობით შეგიძლიათ მოხერხებულად მიირთვათ. პროდუქტი 100%-ით ნატურალურია.

ბრენდი „თათარა“ აერთიანებს შემდეგ სახეობებს:
• თათარა მოხალული ნიგვზით
• თათარა მოხალული თხილით
• თათარა მოხალული ნუშით
• თათარა მოხალული მიწის თხილით
• თათარა ქიშმიშით
• თათარა ასორტი

ჰქენი სიკეთე, გაუზიარე გვერდი მეგობრებს ...