მოძრაობა KAR.GE გირჩევთ: იყიდეთ მხოლოდ საქართველოში წარმოებული პროდუქცია! ყიდულობ ქართულს? გადახდილი ფულით აძლიერებ ქართულ ბიზნესს, ხელფასს უხდი საქართველოს მოქალაქეს და აძლიერებ საქართველოს!
Breaking News
მთავარი > ამალთეა

ამალთეა

ინდ. მეწარმე ლიანა დემეტრაშვილი 2011 წელს თბილის ქალაქიდან თეთრიწყაროს რაიონში გადასახლდა და თხების ფერმა მოაშენა. დაიწყო 15 თხით ამჟამად კი მცირე ფერმა 50 სულ თხას აჭარბებს. სოფლად ცხოვრება თავიდან გაუჭირდა, მაგრამ დღეს უკვე ამაყია, რომ მეურნეობაც წელში გამართულია და ღვთის წყალობით გაყიდვებიც ნელა, მაგრამ იზრდება. მთავარი კი ისაა, რომ სხვადასხვა პროგრამების მეშვეობით ნელ-ნელა ავითარებს მეურნეობას, რომელიც უნიკალურ პროდუქციას იძლევა და მრავალი კუთხითაა სასარგებლო მისი მომხმარებლისთვის. ქალბატონ ლიანას ფერმაში წარმოებული თხის რძე და მისგან დამზადებული პროდუქცია ბაზარზე ბრენდი “ამალთეა”-ს სახელწოდებით ხვდება.

“ამალთეა” ბრენდულ დასახელებად სწორედ იმიტომ შეირჩა, რომ ამ სახელთან საქართველოში ყველაფერი ის დადებითი ასოცირდება, რაც რამ თხასთან არის კავშირში. იდეის – თხის რძის პროდუქტების სარგებლის ხაზგამსმელი ისტორიაა ყველა ამალთეას უკავშირდება, თხას, რომელიც გადმოცემის თანახმად თვით ზევსს აწოვებდა რძეს.

ბრენდი ამალთეა ყველა გამოფენა-გაყიდვაში მონაწილეობს, რომელიც კი საქართველოში იმართება იქნება ეს აშშ საელჩოს მიერ გამართული გამოფენები თუ ფერმერული ბაზრობები, რომლებიც სხვადასხვა საერთაშორისო ორგანიზაციის მიერ იმართება. ფაქტი ერთია: თხის რძის პროდუქტები ყველგან აღიარებულია!

ამალთეა თხის რძის პროდუქციის ბრენდია, რომელიც ამ ეტაპზე აწარმოებს შემდეგ პროდუქციას: თხის რძე, თხის რძის ყველი, თხის რძის ნადუღი და თხის რძის არაქი. ეს უნიკალური ნიშური პროდუქციაა, რომელსაც თავისი მყიდველი ჰყავს. შეკვეთებისათვის შეგიძლიათ დაუკავშირდეთ მწარმოებელს ტელეფონით – 593 16 40 69. მალე კი ამალეთას პროდუქცია დიღმის მასივი, ბოხუას ქუჩა #5-ში ახლადგახსნილ მაღაზიაში იქნება ხელმისაწვდომი.