მოძრაობა KAR.GE გირჩევთ: იყიდეთ მხოლოდ საქართველოში წარმოებული პროდუქცია! ყიდულობ ქართულს? გადახდილი ფულით აძლიერებ ქართულ ბიზნესს, ხელფასს უხდი საქართველოს მოქალაქეს და აძლიერებ საქართველოს!
Breaking News
მთავარი > აგროქიზიყი

აგროქიზიყი

შპს “აგროქიზიყი” კახეთში, დედოფლისწყაროში მოქმედი კომპანიაა, რომელიც ადგილობრივ ფერმერებს სთავაზობს ვეტერინარულ პრეპარატებს, მცენარეთა დაცვის საშუალებებს, სასუქებს, სასოფლო-სამეურნეო ტექნიკას, მექანიზაციის მომსახურებას, ცხოველისა და ფრინველის საკვებს და სხვა მათთვის საჭირო პროდუქციას თუ მომსახურებას საქონლის ხელოვნური განაყოფიერების მომსახურების ჩათვლით. კომპანიას სამი მაღაზია აქვს: 1) ქალაქ დედოფლისწყაროში, რუსთაველის 24, 2) დედოფლისწყაროს მუნიციპალიტეტში, სოფ. ზემო მაჩხაანში და 3) გურჯაანის მუნიციპალიტეტში, სოფელ კოლაგში. კახეთის დანარჩენ რეგიონებში აქვს სადილერო ქსელი და ადგილზე მიწოდების მომსახურება.

ბრენდული დასახელება – “აგროქიზიყი” კომპანიას დაერქვა 2011 წლის 18 მარტს. და ეს იყო დამფუძნებლის – ბექა გონაშვილის სურვილი, რომ თავისი კუთხისადმი სიყვარულისთვის გაესვა ხაზი. ბექა წარმოშობით ქიზიყიდანაა და ძალიან უნდოდა ეს სახელი ხშირად გაჟღერებულიყო ხოლმე მის აქტივობებში. ეს ის დრო იყო როცა დედოფლისწყაროში პირველი  პატარა ვეტერინარული პრეპარატების მაღაზია იხსნებოდა. ამ პატარა ვეტ მაღაზიიდან დაიწყო და დღეს უკვე აგრიქიზიყი მომსახურებებს და პროდუქციას სთავაზობს არა მხოლოდ ქიზიყელ, არამედ მთლიანად კახელ ფერმერებს და წინსვლა დღითიდღე გრძელდება.

ორგანიზაცია 2011 წლიდან ეტაპობრივად იზრდებოდა. ამაში მნიშვნელოვანი წვლილი შეიტანეს როგორც საერთაშორისო ორგანიზაციებმა, ასევე თავად დამფუძნებლებმა, რომელთაც თანმიმდევრული ნაბიჯების გადადგმის წყალობით უკვე თბილისში საკუთარი პროდუქციის სარეალიზაციო ობიექტები შექმნეს.

ბრენდის სლოგანია – “თქვენი წარმატება, ჩვენთან პარტნიორობით მიიღწევა”.